Føroyska veðurlagið er týðandi fortreyt fyri, at floghavnin kann virka eftir vild. Bygningarnir eru skapaðir soleiðis, at teir geva lívd fyri ættunum, ið oftast eru við floghavnina.

​

Floghavnin er staðsett í einum øki, sum eru óvanliga slætt samanborið við onnur í føroyska lendinum. Terminalbygningarnir eru savnaðir í ein heildarbygnað, sum tryggjar eitt einsháttað úttryk. Samstundis kunnu tær einstøku funktiónirnar verða uppsettar og víðkaðar samsvarandi krøvum og tørvi.

​

Økið til at taka ímóti ferðandi og at seta tey av, er undir taki.

Bygningarnir eru bundnir saman í einum boga millum airside og landside, sum eisini virkar sum trygdarbyrging og lívd fyri vindi hjá ferðandi. Innan fyri hesa skipan eru ymsu funktiónirnar tillagaðar, og stórur dentur er lagdur á at skapa samanhang millum tær.

Tænastufunktionirnar eru staðsettar í einari skynsamari og einfaldari bygningsskipan, sum inniheldur hentleikar í bæði einari og tveimum hæddum.